Watanzania watakiwa kutoa maoni katika katiba

Mwenyekiti wa CUF Prof. Ibrahim Lipumba akiwahutubia maelefu ya wanachama na wapenzi wa Chama hicho katika viwanja vya Muembe Yanga Wilaya ya Temeke jijini Dar es Salaam ambako kulifanyika mkutano wa hadhara

Mwenyekiti wa Chama Cha Wananchi CUF Prof. Ibrahim Lipumba amewataka watanzania kusimama imara na kujipanga katika kutoa maoni ya katiba mpya, ili kuhakikisha kuwa katiba inaweka wazi suala la maliasili kuwa rasilimali za Watanzania. Amesema Tanzania imebarikiwa kuwa na maliasili nyingi zikiwemo dhahabu, almasi, Tanzanite, copper na madini mengine kadhaa, lakini bado rasilimali hizo hazijawanufaisha wananchi kutokana na kutokuwepo utaratibu unaoeleweka juu ya mgawano wa rasilimali hizo.

Akizungumza katika mkutano wa hadhara wa Chama hicho wenye lengo la kuwashukuru wananchama na wakaazi wa Dar es Salaam pamoja na Mikoa jirani kutokana na kujitokeza kwa wingi kwenye mapokezi yake tarehe 11/03/2012 Prof. Lipumba amesema iwapo kutawekwa utaratibu maalum kikatiba, maliasili hizo zinaweza kuwanufaisha Watanzania wote.

Katika mkutano huo uliofanyika viwanja vya Muembe Yanga Wilaya ya Temeke jijini Dar es Salaam, Prof. Lipumba amewapongeza wanachama na wananchi waliojitokeza kwenye mapokezi hayo, na kutaka moyo waliounyesha kwake siku hiyo uendelezwe katika kukijenga chama hicho na kuwa dira ya uchaguzi mkuu ujao.

Prof. Lipumba amefahamisha kuwa kutokana na kutokuwepo kwa mipango imara ya kiuchumi nchini, kumepelekea kuwepo kwa mfumko mkubwa wa bei kwa zaidia ya asilimia 50, jambo ambalo linadumaza maendeleo ya Watanzania waliopata uhuru miaka 50 iliyopita.

Amesema kipindi cha miaka 50 ni kikubwa kuweza kuleta mapinduzi ya kweli yw kiuchumi na maendeleo endelevu, na kwamba nchi nyingi tayari zimefanikiwa zikiwemo Singapore, Malaysia na Korea ya Kusini.

“Tunahitaji uongozi wenye dira ya kuikomboa Tanzania kiuchumi, nchi yetu ina utajiri mkubwa lakini hakuna mipango imara kutokana na ombwe ya uongozi uliopo”, alisema Prof. Lipumba ambaye alirejea nchini mapema mwezi huu kutoka Marekani alikokuwa alifanya utafiti kuhusu mambo ya demokrasia na maendeleo ya kiuchumi.

Amewaeleza maelfu ya wanachama na wapenzi wa Chama hicho kuwa tayari amepata mwaliko mwengine wa kwenda mji wa Barcelona mwishoni mwa mwezi huu, ambako atakutana na wataalamu wawili wa kuchumi kutoka nchi za Urusi na Ubelgiji kwa lengo la kujadili matatizo ya kisiasa ya nchi za kiarabu na athari za kiuchumi na kisiasa zinazoweza kujitokeza kwa nchi nyengine.

Mapema Katibu Mkuu wa Chama hicho Maalim Seif Sharif Hamad amepongeza mapokezi makubwa aliyopewa Prof. Lipumba ambayo amesema yanathibitisha kuwa CUF kweli ni Chama Cha Wananchi, sambamba na wanachama kuwa na uchungu na Chama chao.

Maalim Seif amekebehi kwa wale wanaodai kuwa CUF ni CCM ‘B’ kwamba wana wivu wa kisiasa, na kutoa wito kwa wanachama kutokubali kuyumbishwa katika kukiendeleza chama hicho.

Katika hatua nyengine mjumbe wa baraza kuu la uongozi la Chama hicho aliyepewa onyo kali wakati Mwakilishi wa Jimbo la Wawi Mhe. Hamad Rashid Mohammed pamoja na wenzake walipofukuzwa uanachama Bw. Yassir Mrotwa, ameibuka na kuomba radhi kutokana kukifikisha Chama hicho mahakamani.

Amesema atafuatilia mwenendo wa kesi hiyo ili kufuta saini yake isitumike kwenye mwendelezo wa kesi hiyo.

Wakati huo aliyekuwa naibu mkurugenzi wa uchaguzi wa CUF taifa Bw. Khamis Katuga ambaye alikihama chama hicho na kuhamia CCM, amerejea tena CUF ambapo amerejesha kadi ya CCM na kukabidhiwa kadi ya CUF.

Ametahadharisha kuwa tatizo kubwa linalorejesha nyuma maendeleo ya chama hicho ni kutokanyika kwa vikao katika ngazi ngazi mbali mbali, huku akieleza sababu zilizomrejesha tena CUF kuwa ni uimara na sera zinazotekelezeka za chama hicho, huku akifunga maelezo yake kwa usemi “asiyejua kufa achungulie kaburi”.

Advertisements

4 responses to “Watanzania watakiwa kutoa maoni katika katiba

  1. shauri langu kwa viongozi wa chama cha cuf musikaye mukajisahau hadi kufikia kuwa na baadhi ya watu wanawaharibia sifa ya chama chenu, kuweza kuwaumiza vichwa wananchi wenu, nimeipenda sana sera ya cuf ingawa sina chama bali ni chama ambacho hakina siasa za chuki na ndio maana zanzibar kimeweza kushirikiana na ccm kujenga nchi yao , hili nijambo muhimu sana sasa hivi nikifuatilia siasa za ccm na chadema bara huona kama watoto wanaogombania zawadi iliotoka kwa baba yao vile, hamna jipya , hamna mtu kunadi sera zake nini atakifanyia chama na wananchi kwa ujumla pindipo wakipata madaraka ,ispo kuwa tunazidi kuona siasa za chuki tu kwa ushahidi zaidi tuangaliye kampeni za arumeru arusha utaona mkapa anavo tukanana na nyerere huu sio utaratibu wa siasa ambao kiongozi ana nia safi ya kuleta maendeleo.

  2. mimi ushauri wangu kwa katiba hii naona ingekuwa sahihi kama kila nchi ingekuwepo zilizo sababisha huu muungano na kila mmoja angekuwa na nguvu ya kikatiba na wawe kila mmoja na mamlaka yake pasiwepo mkubwa wala mdogo hii ingependeza sana kama zanzibar ingekuwa na nguvu yake na tanganyika ikawa na nguvu yake binafsi

  3. hakuna masuala ya katiba hapa , muungano hautakiwi Nd Kikwete tuachie visiwa vyetu kabla ya mambo kufikia pabaya

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s